Totius eximio iactas te robore ? ineptis.
Idem sapis, si Primum habes.

`Intereat Primum: qvid fiet deniqve Toto ?
Nempe in Secundum vertitur.

Primum tepores educat, rosas, risus:
Cereri Secundo facite ; nam nocet Primo:
De laude Primi nemo non facit Totum.

Omnia vici olim: si inverteris, omnia vinco.

Sunt litterae tres, verba qveis fiunt duo
Sibi invicem contraria:

Qvas qvi docebis, haud latine tu qvidem
Sed barbare laudaberis:

Trilitteratus audies lubentius
Qvam litterarum vir trium.

Cauda viris curae est in bello, in pace puellis:
Laesa Ceres odit Meqve meumqve Caput.

Totum pone, iacet: Caput aufer, per nemus errat: Caudam deme, viret: Viscera tolle, senet.

Frontem pone, fluit: Caudam, tria cernis in uno: Virtutum custos sum tibi, mater opum.

Ara parata meum novit Caput, araqve Caudam : Compita Me norunt, festa, theatra, nemus.

Vivendi caussa Caput est mihi, Cauda coqvendi; Dum legis, in manibus Me, bone lector, habes. IK.

Dirus Amor, dirus. Sed qvo recitare misello
Sic iterum atqve iterum murmure : Dirus Amor?
Scilicet his ridetqve puer, laediqve renidet :
Crescit et opprobriis erigiturqve suis.
Dic age, caerulei fueris qvae filia ponti,
Qvomodo tu flammae, Cypria, mater eras ?
K. (eae Anth. Gr.)

Qvi studet ut placeant sua munera maribus, ipsum Emunctae naris dicite, Pierides.

II.

Grata seni ac puero, narisqve levamen anilis,
Plurima in occiduo nascitur herba solo.
Gaudia dat fumus ; sua dat qvoqve gaudia pulvis:
Sic, mirum, sensus adlicit una duos.
Creditur humani pulvis, qvem colligis illinc,
Vel certe nasi caussa fuisse mei.
Aurea misisti mihi dona ; qvid aptius auro,
Cui commendetur tam pretiosus odor ?
Pyxis odorifero dum pulvere plena nitebit,
In memori stabit pectore dantis amor.

R. S
IIλόον ήμισυ παντός.
Emensa virgo iam decem vetus lustra,
Qvid ? pars, ait, dimidia plus valet toto ?
Cui nos: Decem tu nata qvinqvies annos
Lubenter esses nata qvinqve viginti.
R. S

Improbus.

Improbe, linqve meum neu dic salvere sepulcrum :
Dummodo ne venias tu prope, salvus ero.
R. (eae Anthol. Gr.)
S S

Iam te premit nox. Laetitiae diem Festae dicatam naenia possidet: Laurus triumphales obumbrat Debita funeribus cupressus.