EPIGRAMMATUM

LIBER.

EPIGRAMMATUM

LIBER.

I. IN PRODITIONEM BOMBARDICAM.

CUM simul in regem nuper satrapásque Britannos
Ausus es infandum, perfide Fauxe, nefas,
Fallor? An et mitis voluisti ex parte videri,

Et pensare malâ cum pietate scelus ?
Scilicet hos alti missurus ad atria coli,
Sulphureo curru, flammivolisque rotis :
Qualiter ille, feris caput inviolabile Parcis,
Liquit lördanios turbine raptus agros.

5

II. In eandem.

SICCINE tentâsti cœlo donâsse Iäcobum,
Quæ septemgemino, Bellua, monte lates?
Ni meliora tuum poterit dare munera numen,
Parce, precor, donis insidiosa tuis.

Ver. 2. Qua septemgemino, Bellua, &c.] The Pope, called

in the theological language of the times The Beast.

T. WARTON.

Ille quidem sine te consortia serus adivit
Astra, nec inferni pulveris usus ope.
Sic potiùs fœdos in cœlum pelle cucullos,

Et quot habet brutos Roma profana deos: Namque hac aut aliâ nisi quemque adjuveris arte, Crede mihi, cœli vix bene scandet iter.

5

10

III. In eandem.

PURGATOREM animæ derisit Iacobus ignem,
Et sine quo superûm non adeunda domus.
Frenduit hoc trinâ monstrum Latiale coronâ,
Movit et horrificum cornua dena minax.

"Et nec inultus," ait, " temnes mea sacra, Britanne: 5

66

Supplicium, spretâ relligione, dabis.

Et, si stelligeras unquam penetraveris arces, Non nisi per flammas triste patebit iter." O quàm funesto cecinisti proxima vero, Verbáque ponderibus vix caritura suis! Nam prope Tartareo sublimè rotatus ab igni, Ibat ad æthereas, umbra perusta, plagas.

- 10

IV. In eandem.

QUEM modò Roma suis devoverat impia diris,
Et Styge damnârat, Tænarióque sinu;
Hunc, vice mutatâ, jam tollere gestit ad astra,
Et cupit ad superos evehere usque deos.